El "bichu" (Oremus colectivo)

El “bichu”

 (Oremus colectivo)

San Antón benditu,

San Antón Abad,

llevati a esi “bichu”

que mos va a matar.

Tírali a la Balsa,

júndeli pabaju

que se ajogui prontu

que mos tiene jartus

de tanta encerrina,

de tantu contagiu,

de tantu por culu

que mos está dandu.

Habel si pudieras

tú qu’eris mu santu

de ahogarli pa siempre

de jacel milagro.

No andis con pamplinas

dali un güen porrazu

y aluegu le tiras

de un riscu pabaju

que s’esguarramilli

que caiga roandu

al mesmu Guadiana

y tous los bichus

qu’hay en esi charcu

le den güenos muerdus

y acabi esti espantu,

esti descalientu

que nos va matando.

¡San Antón benditu,

tú qu’eris mu santuh

habel sipudieras

jacel el milagru!